Photo Google
का ?
माजलेल्या दानवांचा भुईला या भार झाला
अधमांच्या निर्लज्जपणाचा कळस आज पार झाला … धृ
जीवनाला रंग देऊन सजवते जी जग तुझे
त्याच मातेचा आज दुर्दैवी तू काळ झाला… १
पावित्र्य सिद्ध करण्यास स्वतःला निखाऱ्यांत घेते जाळूनी
त्या सीतेचा सांग ना तू का नाही राम झाला…२
निमित्त करुनी चिंधीचे शील राखी नारीचे
माधवा त्या विस्मरुनी तू कसा अश्लील झाला…३
मलिन कर्मसुतांवरी या श्वास जे आधारले
तयांस कापण्या स्वये तू तलवारीची धार झाला… ४
प्रेम संयम प्राशून बघ ना, एकदा विकारा सांडूनी
दुष्कृत्याचे बीज पेरण्या मायेवर का स्वार झाला…५
बाग कोमल जीव सारे, प्रितीनेच सिंचणार
का अंधाराचा भक्त नि तू वासनेचा आहार झाला… ६
अंतरीचा ठाव घे, थरार थांबव धाव घे
अल्पमतीवर भडीमार नि जीवाचा प्रभू खार झाला… ७
– शिल्पा म वाघमारे , स शिक्षिका
मालेगाव खुर्द, ता. गेवराई, जि. बीड