महापरिनिर्वाण दिन
होणे नाही पुन्हा जगी असा
प्रतिभासंपन्न असा घटनाकार
ज्याने जपले माणुसकीचे फूल
नि अन्यायावर केला प्रहार….
संविधानरुपी न्यायदीपिकेत
समता, बंधुत्वास दिला थारा
प्रतिष्ठाही जपली सामन्यांची
नि एकतेचा दुमदुमला नारा…||२||
एक नागरिकत्व नि मताधिकार
यांमध्ये गुंफले तुम्हा-आम्हाला
‘धर्मनिरपेक्षते’च्या शब्दप्रभावाने
माणूसपण आले या मनुजाला..||३||
जगतामध्ये महान अशी ही
एकमेवद्वितीय घटना आधार
लवचिकताही अजोड साधून
अपराधांवरही परखड वार….||४||
महापरिनिर्वाणदिनी करुया
अभिवादन महामानवाला
मानवंदना ही आमुची त्या
प्रदीप्तिमान दुधारी प्रज्ञेला…. ||५||
वादळातील दीपस्तंभ भीम
झगडला नि झटला अविरत
संविधानरुपे हृदयी आमच्या
युगे युगेच जो राहिल तेवत…||६||
– शिल्पा म.वाघमारे, सहशिक्षिका
जि.प.प्रा. शाळा मालेगाव खुर्द ता. गेवराई, जि. बीड.